Konsejera Shadar: Esther Rute | Israel

Filologa i istoriadora. Maestria en Istoria Djudiya i Estudios Espanyoles en la Universitá Ebrea de Yerushalayim. Instruktora de djudeo-espanyol en el Instituto Cervantes de Tel Aviv i el Konsejo de Komunidades Sefaradís i Orientalas de Yerushalayim. Konsejera del Komité Dirijente de la Autoridad Nasionala del Ladino en Israel. Vise Redaktora de la Revista Aki Yerushalayim. Shefa del Departamento de vijitas internasionalas en Yad Vashem.

Lavoró komo Asistente de Investigasión en projektos de djudeo-espanyol i istoria sefaradí: Posen Library of Jewish Culture & Civilization Vol. 5 – Prof. Yosef Kaplan (U. Ebrea-U. Yale), Korpus Linguistiko del Ladino – Prof. Aldina Quintana (U.Ebrea), Me’am Lo’ez – Dr. Eliezer Papo (U. Ben Gurion), Jornalizmo israeliano en ladino – Dr. Aviad Moreno & Dr. Tamir Karkason (U. Ebrea-U.Ben Gurion).