Nasio en Salonika, Gresia, de orijen djidio sefaradi. Los padres de su papa eran djidios ke vinieron a Salonik de Livorno, Italia a la fin de los anyos 1700. La famiya de la parte de su mama, vino de Espanya. Mantiene relasiones kon la komunidad djudia de su sivdad ke antes de la Gerra Mondiala ayi bivian mas de 50.000 almas. Agora no ay mas de 800 personas. Se ambezo en la Eskola Grega, i la Universita de Salonik. Lavoro komo indjeniero sivil i se okupo muncho kon su komunidad partisipando en varios komites ke soportan la eksistensia i la organizasion de los sefaradis de la sivdad.